МҮХАҮТанхимаас гишүүн байгууллагуудаас онлайн санал асуулгыг авахаар болжээ. Сүхбаатар аймгийн ХАҮТ байгууллага, хувь хүн нийлсэн 110 гаруй гишүүнтэй. Эдгээр бүх гишүүдээс гадна худалдаа үйлчилгээ эрхлэгч хэн ч уг санал асуулгад оролцож болно.

Тодруулбал, үүсээд буй онцгой нөхцөл байдлаас шалтгаалан COVID-19-ын эсрэг хамтран тэмцэх, сэргийлэх хамтын ажиллагааны механизм байгуулж ажиллах анхдугаар видео хурлыг  04 дүгээр сарын 16-ны өдөр хийхээр төлөвлөжээ. Уг хурлын үеэр COVID-19-ын улмаас БНХАУ, Монгол улс хоорондын худалдаа, эдийн засгийн хамтын ажиллагаанд учирч буй саад бэрхшээлийн талаар хэлэлцэх юм байна. Тиймээс худалдаа үйлчилгээ эрхлэгчид COVID-19-өөс шалтгаалан өөрсдийн үйл ажиллагаанд гарч буй хүндрэл, саад бэрхшээлийн талаарх нөхцөл байдал, санал хүсэлт хүргүүлэх ёстой.

Ингэхийн тулд тухайн этгээд өөрийн санал хүсэлтээ Сүхбаатар аймгийн ХАҮТ-ын байранд бичгээр болон цахим хэлбэрээр ирүүлж болох юм байна.

Т.Одончимэг