Малчны хотонд төлийн дуу цангинаж, таван ихэр хурга, дөрвөн ихэр ишиг мэндэлсэн ховорхон тохиолдол Эрдэнэцагаан суманд гарчээ.
Сүхбаатар аймгийн Эрдэнэцагаан сумын нэгдүгээр багийн малчин Э.Отгонбаярын хотонд таван ихэр хурга гарсан бол мөн тус сумын 7-р багийн малчин Н.Отгонзоригийн хотонд дөрөвдүгээр сарын 1-нд улаан халзан ямаа нь төллөж хар халзан зүстэй дөрвөн ихэр ишиг гаргажээ. Шинэхэн төлүүд эсэн мэнд бойжиж байна.
Мал ихэрлэх нь мал сүргийн буян хишиг дэлгэрч олон түмээр өсөж үржихийн бэлгэдэл гэж Монголчууд бэлэгшээдэг. Энэ хавар малчдын хотонд ихэр төл элбэг байгаа нь мал өсөхийн шинж гэж нутгийнхан ихэд бэлэгшээж байнгаа гэнэ.
