2020 оны дөрөвдүгээр сарын 2-нд албан ёсоор үйл ажиллагаагаа эхлүүлж байсан SBINFO.MN сайт энэ өдөр 5 нас хүрлээ.
Аймаг орон нутгийнхаа нийгэм, цаг үеийн мэдээллийг мэргэжлийн түвшинд бэлтгэн, олон нийтийн мэдэх эрхийг хангахын зэрэгцээ нутгийн онцлог, түүх, өв соёлыг илтгэсэн нийтлэл нэвтрүүлэг, контентыг бүтээж, хадгалж авч үлдэх нь манай байгууллагын үндсэн бодлого юм.
Таван жил гэдэг богино мэт боловч эхлүүлснээс эхлээд өнөөдрийг хүртэлх хугацаанд туулж ирсэн зам, хийж бүтээсэн бүхэн минь цаашлаад асуудлыг үл ажран алдаа оноогоо хослуулан үнэнчээр салбартаа урагшилж яваа минь бидний хувьд урт хугацаа, улам урагшлах урам зориг юм.
Энэ хугацаанд манай байгууллагатай хамтран ажиллаж дэмжиж ирсэн, одоо ч дэмжсээр байгаа ААНБ, хувь хүмүүс хамгийн гол нь үнэнч үзэгч, уншигч та бүхэндээ ТАЛАРХАЖ БАЙНА.
Сүхбаатар аймгийн хамгийн анхны, мэргэжлийн гэх тодотголоо бид тордож, үргэлж хичээн ажиллах болно оо. БАЯРЛАЛАА…
Хүндэтгэсэн: Эрхлэгч Т.Одончимэг
