Сумынхаа Эрүүл мэндийн төвийг мэргэжлийн боловсон хүчнээр хангах зорилтын хүрээнд Сүхбаатар сумын ЗДТГ-аас шинээр оюутан болж буй хоёр хүүхдийн сургалтын төлбөрийг 100 хувь хариуцан төлөхөөр болжээ.
Тодруулбал, Анагаахын сургуульд шүд болон уламжлалтын их эмчийн ангид элсэж орж буй Ц.Мишээл, Б.Уранчимэг нартай хамтран ажиллах гэрээг байгуулсан байна. оюутнууд суралцах хугацаандаа ямар нэг зөрчил гаргахгүй байж, сайн суралцан төгссөнөөр шууд сумынхаа ЭМТ-д мэргэжлийн дагуу ажиллах юм.
Сүхбаатар сумын удирдлагууд эрүү мэндийн салбартаа онцгойлон анхаарч ажиллахын хэрээр хөрөнгө оруулалтуудыг ч цаг тухайд нь шийдвэрлэж ажилладаг гэдгийг салбарынхан болоод иргэд нь хэлдэг. Энэ удаагийн хөрөнгө оруулалт ч богино хугацааны дараа үр дүнгээ өгөх, иргэд орон нутагтаа авах эрүүл мэндийн тусламж үйлчилгээний чанар, хүртээмж сайжрах өндөр ач холбогдолтой шийдвэр болжээ.
