Алтан овоо, Шилийн богд чиглэлд зорчихгүй байхыг аймгийн Цагдаагийн газрын Замын цагдаагийн тасгаас анхаарууллаа.
Сар шинийн баярын өдрүүдэд буюу шинийн 15-ныг хүртэл Дарьгангын Алтан овоо, Шилийн богдыг монгол орны өнцөг булан бүрээс иргэд зорьдог. Гэвч энэ жилийн тухайд цас зудтай, зам хаагдсан байгаа тул дээрх анхааруулгыг хүргэж байна. Хэдийгээр зам нээх ажлыг сум орон нутгаас хийж байгаа ч шөнөдөө тогтмол цасан шуурга, салхитай байгаа учир амархан битүүрч, тээврийн хэрэгсэл зорчих боломжгүй болж байгаа. Тиймээс хүчин чадал сайтай гэж тээврийн хэрэгсэлдээ найдан замд гарч, амь нас, эд хөрөнгөө эрсдэлд оруулахгүй байхыг онцгойлон сануулав.
Сар шинийн баярын өдрүүдэд Сүхбаатар аймгийн нийт нутгаар хүйтэн, салхитай байхыг цаг уурын байгууллагаас мэдээллээ.
