Сүхбаатар аймгийн Сүхбаатар, Онгон, Халзан, Баруун-Урт сумдад малын гоц халдварт үхрийн арьс товруутах өвчин бүртгэгджээ. Тус сумдад нийт 70 гаруй үхэр энэхүү өвчнөөр өвчилсөн нь батлагджээ.
Мөн Эрдэнэцагаан суманд өвчний сэжигтэй тохиолдол хоёр голомтод бүртгэгдсэн бөгөөд шинжилгээг улсын МЭАЦЛ-т хүргүүлээд байгаа аж.
Үүнтэй холбоотойгоор өвчин батлагдсан сумдад малын шилжилт хөдөлгөөн болон амьд мал, мах тээвэрлэхийг хориглон, хязгаарлалтын дэглэм тогтоогоод байна. Мөн МЭЕГ-аас өгсөн чиглэлийн дагуу өвчилсөн малыг устгалд оруулах, ариутгал халдваргүйжүүлэлт хийх, урьдчилан сэргийлэх ажлуудыг шат дараатайгаар хийж байна гэж аймгийн МЭГ-аас мэдээллээ.
