Томуу томуу төст өвчний тархалт эрс нэмэгдэж, эмнэлгүүдийн ачаалал их байна. томуу хүндэрч хатгалгаа болох тохиолдол их байгаа учир аймгийн нэгдсэн эмнэлгийн хавдар, мэдрэлийн тасаг, мэдээллийн танхим зэрэгт нэмэлтээр ор дэлгэж, 50 хүүхдүүдийг хэвтүүлэн эмчилж байна.
Түргэн тусламжийн дуудлагын 90 хувийг томуу томуу төст өвчний дуудлага эзэлж байна гэж АНЭ-ийн дарга Д.Мөнхзул мэдээллээ.
Өнгөрсөн долоо хоногийн төлөвөөр тус аймагт коронавирусний халдварын тархалт буурсан үзүүлэлттэй байгаа ч томуугийн дэгдэлт ийнхүү эрчимжиж байна. Тиймээс иргэдийг анхаарлаа сулруулалгүй, халдвар хамгааллын дэглэмээ сайтар сахиж, сургууль цэцэрлэгүүд шинж тэмдгийн тандалтыг тогтмол хийхийг ЭМБ-аас анхааруулав.
