Дарьганга сумын ЗДТГ-аас шуурганд уруудаж хилийн бүс нутагт очсон малыг нутгийн гүн рүү татах ажлыг энэ сарын 5-наас 8-ны өдрүүдэд зохион байгуулжээ. Үхэр, адуу нийлсэн нийт 3000 орчим малыг хил орчмоос татан авчээ. Ингэснээр тухайн тооны малыг хил давах эрсдлээс сэргийлж чадсан байна.
Одоогоор малнууд заставын ойролцоо байгаа. Заримыг эзэд нь ирээд аваад явсан. Нутгийн мал тун цөөн ихэнх нь Баяндэлгэр, Онгон, Наран сумдын мал байна гэх мэдээллийг Дарьганга сумын ЗДТГ-ын тамгын газрын дарга Ч.Батболд хэллээ.
Дээрх ажлыг Хилийн цэргийн 0184 дүгээр ангийн хилийн алба болон 6, 7 дугаар заставын бие бүрэлдэхүүн мөн Наран , Дарьганга сумын малчидтай хамтран гүйцэтгэжээ.
