Сүхбаатар аймгийн хэмжээнд сонгуулийн санал хураалт 19 цагийн байдлаар 70 хувьтай үргэлжилж байна. 13 сумаас Сүхбаатар сум хамгийн өндөр буюу 81,3 хувийн ирцтэйгээр тэргүүлж байна.
Тус аймагт 40,3 мянган сонгогч саналаа өгөхөөс 19 цагийн байдлаар 28270 сонгогч буюу нийт сонгогчдын 70 хувь нь саналаа өгчээ. Насны хувьд 26-45 насныхан хамгийн идэвхтэй байна гэв.
Сонгуулийн санал хураалттай холбоотой ямар нэг гомдол гараагүй, 67 хэсгийн хороонд санал хураалт хэвийн үргэлжилж байна гэж аймгийн Сонгуулийн хорооноос мэдээллээ.
