Сүүлийн 24 цагт 13 суманд халдварын 247 тохиолдол шинээр бүртгэгдэж, нийт батлагдсан тохиолдол 8897 боллоо. Өнөөдрийн байдлаар 539 иргэн ЭМБ-т эмчлүүлж байгаа бөгөөд тэднээс хүнд 14, хүндэвтэр 47 иргэн байна гэж АНЭ-ээс мэдээллээ. Гэрийн эмчилгээнд 1325 иргэн байгаа аж.
Эмчлүүлэгсдийн дунд жирэмсэн 42, төрсний дараах зургаа, 0-18 насны хүүхэд 219 байна.
Халдвар Баруун-Урт, Баяндэлгэр, Онгон, Мөнххаан, Түвшинширээ сумдад хамгийн их илэрчээ. Бусад сумдад эдгээр сумдад бүртгэгдснээс бага тохиолдол хоногт бүртгэгдэж байгаа ч халдвар бүх суманд дахин эрчимтэй тархаж байгааг анхаарууллаа.
Харин дээрх хугацаанд 222 иргэн эдгэрч эмнэлэг болон гэрийн хяналтнаас гарснаар эдгэрсэн иргэдийн тоо 6919-д хүрэв.
