ХАБЭА-н сарын аяны хүрээнд Сүхбаатар аймгийн боловсролын байгууллагууд “Аюулгүй байдал, эрүүл мэндийн эерэг соёлыг хамтдаа төлөвшүүлье” өдөрлөгийг 4 дүгээр сарын 23-ны өдөр нэгэн зэрэг зохин байгууллаа.

Тодруулбал, тус аймгийн 24 цэцэрлэг, 16 сургууль өөр өөрсдийн хичээлийн байран дээр тус үйл ажиллагааг өрнүүлж, эцэг эхчүүд, иргэдийн төлөөллүүдийг урилгаар оролцуулжээ. Энэ үеэр хүүхдүүд сурч мэдсэнээ, байгууллагууд онцлох үйл явдал, сургалтын үйл ажиллагаагаа зочдод танилцуулж, сургууль цэцэрлэгийн хоолны амталгааг хийлгэсэн байна. Өдөрлөгт оролцсон эцэг эхчүүдийн төлөөлөл сэтгэгдэл өндөр байгаагаа илэрхийлээд, өргөн зохион байгуулалттай онцлог ажил болж буйг хэлж байлаа.

Тус өдөрлөгийг аймгийн Боловсролын газраас санаачлан зохион байгуулсан юм.