3 дугаар сарын 13-аас-14-нд шилжих шөнөөс эхлэн Сүхбаатар аймгийн ихэнх нутгаар цас орж цасан шуурга шуурч байна. УЦУОШТ-өөс өгсөн мэдээгээр алсын барааны хараа 100 метр буюу үзэгдэх орчин хязгаарлагдмал, салхины хурд 12м/с, агаарын температур -8 градус, салхины өрөвхийлөлт 17м/с байгаа бөгөөд цаашид нийт нутгаар үргэлжилэн шуурна гэв.

Цаг агаарын нөхцөлтэй холбоотойгоор онцын шаардлагагүй тохиолдолд хөдөө явахгүй байх, дулаан хувцаслах, автомашины бэлэн байдлыг хангах, шатахууны нөөцтэй байх, өндөр настай хүн, бага насны хүүхэд, хөгжлийн бэрхшээлтэй иргэдийг мал хариулгад явуулахгүй байх, гал түймрийн аюулаас сэргийлэх, гэр орон, хашаа саравчаа сайн даруулах зэрэг арга хэмжээг авч эрсдэлээс сэргийлэхийг мэргэжлийн байгууллагаас анхаарууллаа.