Хуурайшилтаас үүдэлтэй гал түймрийн эрсдлээс урьдчилан сэргийлэх зорилгоор аймгийн УЦУОШТ-өөс цаг агаарт зориудаар нөлөөлөх ажлыг зохион байгуулж байна. Өчигдөр Түвшинширээ, Баяндэлгэр сумдад дөрвөн пуужин харвасан бөгөөд тус сумдад 2 мм-ийн бороо орж, үргэлжлэн цас орж байна.
Мөн нутгийн баруун болон баруун хойд талын сумдаас цасан шуурга шуурч байгаа талаар УЦУОШТ-өөс мэдээллээ. Уг цасан шуурга өнөөдөр 15 цаг хүртэл үргэлжилж, 15 цагаас хойш нутгийн зүүн хэсгээр буюу Сүхбаатар, Эрдэнэцагаан сумдад орж шөнөдөө тогтоно гэв.
Цаг агаарт зориудаар нөлөөлөх Шарга-2 экспедизийнхэн өнөөдөр Асгат, Халзан сумдад мөн пуужин харвах юм байна.
