Жавхлант Шарга морин спорт уяачдын холбоо нь Монголын морин спорт уяачдын холбооны оны шилдгүүд шалгаруулах журмын дагуу Сүхбаатар аймгийн оны шилдгүүдийг шалгаруулжээ.
Дээрх журмын дагуу салбар холбоодоос ирүүлсэн материал дээр үндэслэн оны шилдэг уяач, оны шилдэг уралдаанч хүүхэд, оны шилдэг 6 насны хүлгийг шалгаруулсан байна.
Оны шилдэг азаргаар, Асгат сумын АУ Э.Чулуунбаатарын хүрэн халзан азарга
аймгийн баяр наадмын түрүү, Алтан овооны их тахилга наадам айргийн гурав
Оны шилдэг хх нас М.Төртүвшингийн хонгор морь, Алтан овооны их тахилга наадмын түрүү, Мөнххаан сумын 100 жилийн ойн баяр наадмын аман хүзүү
аАймгийн баруун бүсийн уралдаанд аман хүзүү, оны шилдэг соёолон Түвшинширээ сумын ААУ Х.Ганбаатарын хонгор соёолон, Хэнтий аймгийн 100 жил, Зүүн бүсийн хурд наадамд айргийн дөрөв , Жавхлант шарга наадмын аман хүзүү, оны шилдэг хязаалан Халзан сум Х.Хүрэлбаатарын хээр хязаалан аймгийн баяр наадамд түрүү магнай, оны шилдэг шүдлэн Халзан сум Монгол Улсын АУ Ж.Мөнхсүрэнгийн хүрэн шүдлэн аймгийн баяр наадам болон Алтан овооны их тахилга наадам аман хүзүү, оны шилдэг даага Баруун-Урт сум
Б.Гөлөгсайханы хар даага Үндэсний их баяр наадамд айргийн гуравт хурдалсан амжилтаар тус тус шилдгээр шалгарчээ.
Оны шилдэг уяачаар ААУ Уртнасангийн Тамир, Төмөрсүхийн Шинэбаяр Лантуутогоогийн Жаргалсайхан, ААУ Дондогийн Дагвадорж мөн оны шилдэг уралдаанч Ганбатын Энх-Эрдэнэ /Баруун-Урт сум/ Гантулга Буман-Эрдэнэ /Баруун-Урт сум/ Мягмардорж Даваабуд /Баруун-Урт сум/ Ундрахнар Мөнх-Эрдэнэ /Баруун-Урт сум/ М.Буян-Орших /Эрдэнэцагаан сум/ Дорждэрэм Цацралттөр /Уулбаян сум/ нарыг шалгаруулжээ.
