Сүхбаатар аймгийн Угсаатны зүйн музейд үнэт, ховор үзмэрүүд олон бий. Тиймээс эдгээр үзмэрээ олон нийтэд сурталчлан таниулах зорилгоор музейн хамт олон шилдэг үзмэрүүдийнхээ зургаар ил захидал хийн худалдаанд гаргажээ.
Үүнийг найз нөхөд, хамт олондоо төдийгүй гадны зочид төлөөлөгчдөд дурсгал болгон өгөхөд тохиромжтой. Цаашлаад жуулчдын анхаарлыг татах, музейг зорин ирэх үзэгчдийн тоог нэмэгдүүлэх ч давуу талтай юм.
Одоогоор таван төрлийн ил захидлыг хэвлэлтэд гаргаад байгаа бөгөөд цаашид төрөлжүүлэн хийхээр төлөвлөж байгаа аж.
Тус аймгийн Угсаатны зүйн музей нь 2500 гаруй үзмэртэй.
Т.ОДОНЧИМЭГ
